| |
VILCHES GREGORIO
Title:Larinti jamp’atunti
This text will be replaced
Subject:FICTION
Speaker:
Larinti jamp’atunti
By Gregorio Vilches
*°*°*°*°*°*°*°*°*°*°*°*°*
Mä jach’a jawirana jalsuri sutini larixa uma umt’askasasina, jamp'atunti jikhisitayna, mä apwista lurt’atana sasa, iyawa siwa jamp’atuxa, jawira tukusimkama sapxatayna.
Ukatxa mä ruminkuna uruna lurapxatayna. Larija suma jaliritayna, ukatsti jamp’atuxa suma wakiyasitanxa, pinsapxatayna jilallapanti, ukhama lari atipaña wakiyasipxatayna.
Ukhama jamp'atunaka mayata, mayatä qalltañapachata asta tukusirkama ma jach’a filawa chukuritaynawa t 'ukusirnkama uka jawirana .
Uka rumingu uru, Chhukuña uru, puritayna. Paypacha animalanaka jawira thiyana sayarapxatayna. Apwista qalltapxañataki, ukata akhama siwa :
Larixa, jamp’aturu: Juma lilanti chhukunta, ancha inawasaya chhukta.
Janiwa jamp’atuxa satayna kruuk. . . kruuk . .. Paypachawa qalltañani naya atipama jumaruxa, satayna.
Layjarupana larxasa, larxasa, larixa siwa:
¿Kunama, juma atipanta? Ja, ja,jaaa
Janiwa ukama laruntasa. Khistisa jink’a sarani, ukapi atipani, siwa jamp'atuxa.
Larixa iyawa siwa jamp'aturu, ukasti chhukuña qallatayna.
Jamp’atu sumallata umaru mantatayna, laristi jalaj, jala taniña qalltatayna.
Mä ratuta, larixa chhikt’atayna. -Jamp'atulla, jamp'atitu, jamp’atu?
Jamp’atuxa satayna, ì kruuk. . .kruuk !
Larixa siwa : -Aka jamp'atulla jakhatituwa. Ukata jala, jala chhukutayna, larix jawirankana
ukata chhikt'atayna: Jamp'atulla, jamp'atitu?
Jamp’atuxa satayna, ì kruuk. . .kruuk ! akankastwa
-Larix ancha llakisita satayna, aka jamp'atuxa nayana chíka
sarxi.
Chhukuspacha chhikti . -¿jamp'atulla, jamp'atu?- Jamp’atu
satayna ¡kruuk...kruuk!
¡Uy! Aka jamp'atu satayna, jikatxitu kunamarayaUkatxa larixa pinsitayna, ukata, jala, jala, jalapuni chhuktaxa, ancha jalaña, ukhama aka jamp'atu atipaña.
Jayapachatapuni, larixa satayna ¿Jampa'tulla, jamp'atitu?
-Lilantina jamp'atu q'asattatayna, ¡kruuk...kruuk!
larix ancha llakisita jalatayna.
- Aka inalixa jamp'atu, janiwa atipitanisa, pinst'atayna .
- chikata thakina larix ancha karita chhukhatayna, ukat chhikt'atayna
-¿Jamp'atulla... Jamp'atitu?
- Jayata ììKruuk...kruuk !!, jamp'atuna q'asapa puritayna.
Larixa mull aparata, uka ist’asina ancha tanitayna, jamp'atu atipañataki.
Jamp'atu suma suma atipatayna, jawira tukusiñkama, saratayna,
ancha suma wañata kwirpupampi.
Larixa ancha qarita jamp'atu jikattatayna, jach'a laxrapampi
qallt'asita; ancha llakisita, janiwa kunama atipayasita aka
apwista, sasa.
Jamp'atunaka muspa kusisipxatayna, jilallanakanti .
Ukhama juphanaka mä tantawi lurapxatayna lari atipañataki, janiwa sapakija atipxasanti.
...
|
|
