| |
CHALLAPA EUGENIO
Title:Wayna Jaririnkhu
This text will be replaced
Subject:FICTION
Wayna Jaririnkhu
By Eugenio Challapa
*°*°*°*°*°*°*°*°*°*°*°*°*°*°*
Layratpachata Jaririnkhuxa ma jaqimawa sarnaqirina siwa. Ukhama ma jaririnkuja jaqirkiptasina ma tawaquru jiqhatatayna. Uka tawaqulla antapana muspa sawurina. Ukata jaririnkhuxa ancha suma k'acha ch'añu tirnuni, jalxatatayn siwa. Ukata akhama arusxayatayna siwa:.
- Naya anch munsma jayapachata uñjsma, janiti jiwasa kasarasksnasti
suma tawaqulla, satayna.
- Ahh! janiw uñt'mati, juma awkiña taykanharu sasma ukapinirischixa.
- Ukat jaririnkhuxa satayna tawaqallaruxa
- Iyaw sakitamaya, jisa sarakitaya siwa:
Ukata qhipanxa jani tawaqulla purxataynati, mamapaki purxatayn sawuri siwa:
Ukatxa mamapa uñjasinxa, jani jaqiptxataynati jaririnkhuxa siwa, jaririnkhpach
jalkatatayna sawusiskipana mamaxa, larullanakapata jalkatxatayna siwa.
Mamaja uñjasina siwa: Kunsa aka jisk'a jaririnkhu turiyasitu. sasa
Ma jach’a Qalanti jaquntchi, aririnkhuru -Kuna aka munji, p'iqiru wakt'ayatayna sasa , maya p'iqirupacha wakt'ayasinxa, siwa.
Ukata qharuruxa tawuqulla purirakchi sawuri, jalla ukatxa, aririnkhu waynituxa ukaru p'iqi pichusitaw jiqhatatayna siwa,
ukata tawaqulla chhikhitayna
¿Kunarak p’iqi pichusitaski sarnaqjta? Aririnkhusti siwa:
P'iqiw usjitu, p'iqiw usjitu.
Sasa ukarspacha jani arustasin munataynati siy. Tawakusti sarpaychi :
Arustasimay, kunata jumaxa p'iqi pichuta sarnaqta, satayna.
Janiwa, mamamaxa qalampi jaqunchitu, siwa.
Kunatiray mamanhasa qalampi jaquntama. Kunapacha ?.
Masuruwa, sarakiwa, jaririnkhuxa
jichhaw chhikht'anta. Ukhamacha janicha, iyaw sakimaya, sasa. Aririnkhuxa satayna tawakaruxa
Ukham tawaqulla, mamaparu satayna. Kunataki ukham "wayna jaqillaru" qalanti jaquntjta sasa.
Mamasti akhama siwa: jani kuna jaqisa iñjtway, jani kuna waynanakasa purjiti, jani
kuna jaqiruxa qalantis jaquntatajti.
Ukhama qalanti jaqt'itu sasaw uka wayna situ, tawaqulla siwa mamaparu. Ma ch'añu palitunani palitunani, mä ch’añu pantalunani, siwa.
Janiw kunass uñjti. Ma jaririnkhuki iñastata, ukaruki qalanti jaquntta.
Ja!!! Kunama mama, jariririnkhuü!, kunama ukasti, ukasta kunamaray!!!!!!!!!!!.
Ukat p'iqi pichusitapata, tawaqulla tantiyt'asitayna siwa, ukata jaririnkhuxa jani jaqitataysa turiyasiña munitu, sasa.
Ukata jaririnkhuxa sarakitayna, tawaqulla sawusiri chukuñaparu. Ukat p'iqi pichusita purintatayna, siwa.
Juma jani jaqiktati, jaririnkhutawa, sasa tawaqulla siwa: saram, saram ... jayaru, janiwa uñjaña munsmati.
...
|
|
